今日下午三點鐘左右，無聊無咩做去左 HTC 香港個官網度睇吓有冇 HTC Desire 升級 2.2 啲消息，點知一睇真係出左，心情即時異常興奮，因為我好想部手機有 『Wifi HotSpot(熱點)』 依個功能。

點解我咁想要 Wifi HotSpot ? 因為最近有考慮唔換 iPhone 4，想用 HTC Desire + iPod touch (傳說中有鏡頭嗰款)。因為用左 Desire 半個月，發覺佢係接收方面比 iPhone 4 好少少，加上佢個輸入法 (詳見：火星潮爆速成輸入法) 打字真係打得好快，對於成日要出 Tweet 嘅我嚟講真係好重要。不過暫時都仲係考慮緊，要睇埋部 iPod touch 係唔係真係有鏡頭先至再決定。

好嘞！講返升級單野先。今次升級覺得 HTC 做得唔錯，用戶可以係 wireless 嘅情況下就可以升級去 2.2，幾方便。而且升級之後覺得部機仲爽左快左，之前觸控唔準嘅問題亦都修正埋，抵讚！ 繼續閱讀 »

(iPad) Free App: Alarm Clock Monsters for iPad Free – Waku

30 Aug: New App

部 iPad 有咁大個芒，唔用嘅時候都唔好㗰左佢，用嚟做座檯鐘就最好，所以我不時都會留意吓啲 iPad 鐘嘅 App。

今日就比我搵到個幾得意嘅同大家分享吓。

依個 App 最得意嘅地方就係有幾隻怪獸，你手痕痕可以走去用手指篤吓佢地，佢地會同你笑吓。你走去熄左盞燈，佢地會全部瞓哂覺，好攪笑。

同埋亦都有鬧鐘功能，你 set 好時間，揀埋班怪獸嘅叫聲Alarm Sound，佢地就會叫醒你返工啦。 繼續閱讀 »

Free App: 日出日落时间

31 Aug: $3.99 -> Free

依個 App 啱哂攝影發燒友，有左依個 App，以後影日出日落唔使等餐死，晨咁早去到等，等一大輪至有得影。

依個 App 有齊哂每個地方嘅日出日落時間，咁樣就大把時間預備，早幾個字去到，飲啖水再慢慢影，唔使怕影唔到靚嘅咸蛋黃啦！

仲有，如果有情侶鐘意睇日落浪漫吓，更加要 Download 依個 App。

係一個浪漫嘅環境下，能有效促進愛侶間嘅感情架…我估。 繼續閱讀 »

Free App: Kid Song Box Lite

29 Aug: New App

買左 iPad 之後，我成日都會係 App Store 搵啲學習軟件比個仔，等佢自己從遊戲中學習。（實情就係我懶得教 XD)

好似啲兒歌咁，佢都係係學校同 iPad 度學返嚟，都學得幾快。鬼咩！一日睇幾十次，點會學唔識吖！有時連我都入哂腦，返工搭車都會唱幾句架。

今次依個 App 有三首歌，都係最基本嗰三首，Download 左比個小朋友玩吓先，佢有興趣咪買埋個 Full Version 比佢囉！ 繼續閱讀 »

Free App: 信報 Mobile

28 Aug: New App

iPhone / iPad 嘅出現，除左令部部手機都多左 App 依樣野之外，亦都令好多公司爭相去出 App，好似 App 依樣野係有助提升公司形象同知名度咁。

今次就輪到信報，平時自己就冇睇開信報嘅，依家出左 App，方便又免費，當然要Download 嚟睇啦！

App 就會有依個好處，就係平時你未必會睇，但有個 App 係部電話度，當你得閒嘅時候就會襟嚟睇吓。

今次依個 App 嘅介面仲做得好清晰，每段新聞都圖文並荗，睇得好舒服。

希望之後會有更多免費報紙App 出現。

繼續閱讀 »