一路都用開 Jabra BT3030 藍芬耳機 (可睇返之前篇 Blog 文 : Iphone: A2DP解決方案 )，但覺得有個藍芽接收器，用得唔係好方便。

於是就開始做資料搜集，睇吓有冇一啲更加輕巧嘅藍芽耳機。就搵到兩隻比較合心水嘅耳機，分別係 Motorola : MOTOROKR S9 同埋 Sony Ericsson : HBH-IS800。

比較下面兩款型號，從輕巧同配戴嘅舒服程度嚟講，我就投左 HBH-IS800 一票，所以毫不考慮就選擇左後者。

加上係太太比錢買，所以更加唔需要考慮，嘻嘻 ! 繼續閱讀 »

從Sony Ericsson 近年來推出嘅手提電話嚟睇, 我真係覺得佢食老本食得好緊要.

打從由 2003 T610 嘅成功開始, 佢地不斷有新嘅型號出現. 好似以音樂為主嘅 W 系, 影相為主嘅 K 系, 用 UIQ 為 OS 嘅 P 系. 都有好出色嘅型號. 而我用過嘅有 T610, K750, S700, P990i.. 依幾部電話到依家為止我都覺得係好電話. 而且可以列為SE嘅經典電話都不為過.

不過, 近依幾年再睇 SE 嘅電話, 設計都好千篇一律, 加左啲啲所謂新野, (好似: 方角變圓角, 鏡頭 300萬象素加到500萬象素之類..) 又當新款賣. 我唔知佢仲要出多幾多部依啲設計咁相近嘅電話至會停. 至少我依家都唔會再留意佢所出嘅電話, 因為佢依家啲設計真係令我好失望.

如果佢咁樣都會繼續成功落去, 佢真係要多謝一班對佢咁不離不棄嘅 SE 粉絲.

(你睇完之後, 識分得哂下面全部 Model 咁神奇嘅話. email 話聲我知吖! 唔該 !)