iPhone 4 係香港由推出到依家，足足一個月，即使係網絡商度有得出機又好，係Apple Store度買淨機又好，個炒價都仍然企得好硬淨，每部差不多賺到約 $1,300 – $1,500。 好啦！咁好賺，依家個個買 iPhone 4 都唔係拎嚟用嘅，係愛嚟炒嘅，猛咁係 Apple Store 度訂，真係整多間富士康出嚟都啤唔切啦！ 今日Apple Store 已經將 iPhone 4 原先嘅 3 個星期嘅出貨時間延長到 3-5 個星期。難為左真正嘅 iPhone 4 用家，要再耐心啲等至有機用。 我即時試訂兩部 16GB 版本，出貨日期係 10 月8 號，送貨日期係 10月14號，差不多要六個星期至有貨。 如果閣下真係有心買 iPhone 4 嘅話，就早少少落單，唔係真係等到聖誕節都冇機用呀！ share: Blog this! Bookmark on Delicious Digg this post Recommend on Facebook Buzz it up share via [...]
Posts Tagged ‘iPhone 4’
[分享] 係香港郵政唔係TNT
八月 27th, 2010 
sidxx 今日有同事收到 iPhone 4, 送件公司已經改為由香港郵政代勞. 不過你按個TNT 個貨物追蹤號碼仍然可以睇到貨物情況, 不過係唔 update 嘅. 同事部 iPhone 大約係今朝 11:13 收件, 但到下午兩點鐘個status 仲未 update, 相信係要等香港郵政將個派件status 交返去TNT 先會再update. 有左香港郵政嘅幫手, 希望TNT 派件可以準時啲啦 ! 唔係以後真係冇人再用TNT架啦! share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell [...]
[iPhone 配件] 鬆弛熊 iPhone 4 Case
八月 24th, 2010 sidxx 今日食飯經過葵涌廣場，見到有個鬆弛熊 iPhone 4 Case，二話不說即刻買左一個送比太太。 （之前 3GS 版嘅鬆弛熊 Case: [配件]更多鬆弛熊iPhone Case圖片) 每個售價$68，我諗都唔會堅得去邊，不過粗粗地用住先啦！ 個 Case 都非常有良心咁跟一塊保護貼同埋抺布，算係咁啦，唔好要求咁多。 一共買左兩款，一個比太太，另一個送比推友。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] 一樣的 3HK，不一樣的服務態度
八月 22nd, 2010 sidxx 早一個星期同太太去 3HK 換張 Micro Sim Card，屯門 3 Shop 話要打上去 Hotline waive 換 Sim Card 費用，否則門市就會收取一百蚊。(詳情：3HK 換 Micro SIM 一張一百蚊） 咁尋晚去黃大仙龍翔中心食晚飯，經過商場見到有間 3 Shop 冇乜人，建議老婆試吓問一問換 Micro Sim 使唔使收錢。 跟住我地入左去，有位小姐即時問有咩幫到我地，咁我地就同佢講買左部 iPhone 4，想換張 Micro Sim Card。跟住位小姐就拎張表格出嚟填，對一對身分證，之後簽個名，就比張新嘅 Micro Sim Card 比我地，完全冇講過話要收錢。 有左屯門 3 Shop 咁唔愉快嘅經驗，今次係黃大仙咁順利咁換到張 Sim Card，真係有啲意外！ 用左3HK之後，我深深體會到“幸福唔係必然“依個道理！ share: Blog this! Bookmark on Delicious Digg this post Recommend on Facebook [...]
Posted in Apple, iPhone, iPhone Accessories 
Tags: 3HK, DLLM3HK, iPhone 4, Micro SIM Card 
12 Comments »[Blogger Event] Case 專家 CAPDASE @ 電腦通訊節
八月 20th, 2010 sidxx 首先要多謝推友 jonathansin 同埋 Aiki 嘅邀請，等我係今日買左心愛嘅 iPad / iPhone 配件。 今晚嘅 Blogger Event，係去灣仔會展，參觀 CAPDASE 係香港電腦通訊節2010所設嘅展位，同埋睇吓佢地為 iPhone 4 所出嘅最新 Case。 一開始 CAPDASE 嘅工作人員講左佢地公司嘅少少有趣嘅資料比我地知，原來佢地個公司名 CAPDASE 即刻將 PDA 放入個 CASE 中間，即係 CAPDASE，聽完之後覺得佢地個公司名好易記。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this [...]
Posted in Apple, iPad, iPhone, iPhone Accessories Tags: Capdase, Case, iPhone 3GS, iPhone 4, 香港電腦通訊節2010 8 Comments »[分享] iPhone 4 16GB/32GB 看誰跑得快
八月 18th, 2010 sidxx 話說上星期收到 iPhone 4 賣左之後, 即日(8/12)訂返一部 16GB 版. 但到左今日, 張訂單嘅狀況仍然是"尚未出貨" !! 心諗咁多日都唔出貨，一定是16GB 缺貨的關係。同推友傾吓計，知道32GB 版本出貨有機會會快少少，於是就係尋晚決定再訂多一部 32GB，睇吓邊部會快啲到手先。 訂單情況： PHONE 4 BLACK 16GB 下單日期: 12/08/2010 運送日期: 06/09/2010 PHONE 4 BLACK 32GB 下單日期: 17/08/2010 運送日期: 10/09/2010 依家兩部都係"尚未出貨"，唔知最後邊部會快啲到我手呢？ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to [...]
[分享] 8/17 日 iPhone 回收價
八月 17th, 2010 sidxx 今日食完飯冇野做, 出去行左一陣, 順便問下 iPhone 啲回收價. 雖然 iPhone 4 貨量多左, 但個回收價仍然吸引. 好似16GB 版咁, 仍然有成 $1,300 蚊水位, 用嚟買吓配件都幾唔錯架. iPhone 回收價: iPhone 4 16GB: $6,300 iPhone 4 32GB: $7,100 iPhone 3GS 16GB: $2,500 iPhone 3GS 32GB: $2,700 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it [...]
[分享] iPhone 4 Free Case 換領步驟
八月 16th, 2010 sidxx Free App: iPhone 4 Case Program 23 Jul: New App 今次買 iPhone 4 送 Case，真係要多得各大傳媒。每日不停窮追猛打，不斷咁測試部 iPhone 4 嘅接收問題，攪到Steve Jobs 要送 Case 平息事件。 其實個人覺得 iPhone 4 嘅接收真係唔係咁大問題，我試過幾次握住接收位置，有時訊號會轉弱（由三格跌到一格），有時就冇咩影響。 不過點都好，最緊要依家有個免費 Case 比大家，交左咁多"蘋果稅"，總叫拎返少少著數啦。 要換依個 Case 步驟好簡單，Download 完個 App，揀個啱心水嘅Case，跟住就等佢送上門，就係咁簡單！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it [...]
Posted in App, Apple, Free App, iPhone, iPhone Accessories Tags: Apple, Free App, iPhone 4, iPhone 4 Case Program 6 Comments »[分享] 3HK 換 Micro SIM 一張一百蚊
八月 15th, 2010 sidxx 今日假期有時間，就打算同太太去 3HK 門市到換返張 Micro SIM，點知去到門市，先至發現 3HK 除左網絡質素超班之外，原來門市嘅服務都係非常之咁一流。 事緣我同太太食完晚飯，跟住去3HK 拎張飛排隊，等左太約二十分鐘左右就到我地，一埋位就同個 Counter CS 講話我太太換左部 iPhone 4，想換張 Micro SIM。跟住個 CS 就即刻問我有冇打過上 Hotline 要求豁免一百蚊嘅換咭費，我就答話冇，同埋你地個 Hotline 等成半粒鐘都冇人聽，真係唔係成日咁得閒有咁多時間打上去喎，諗住門市會快啲嘛。個 CS 就同我講咁冇計喎，咁就要收一百蚊換咭費。我聽到真係火都嚟，個客落到嚟門市，完全冇心幫個客解決問題，只係一心想耍走個客。如果 3HK 你條 Hotline 係好易打好容易就有人聽，咁冇打就係我問題。依家打親去 Hotline，永遠都係叫你襟 1234，就算冇左個電話想停用服務，都係襟冧巴就得，唔會有人聽你電話。我唔知我要用幾多個半粒鐘至會有人聽我電話喎！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments [...]
[消息] 排隊！排隊！我要 iPhone 4！
八月 14th, 2010 sidxx 今日豐澤開始有 iPhone 4 淨機買，由尋晚開始各大豐澤已經開始有人排隊。 有推友 @dannychunghk 今朝五點幾就起身，大約六點幾到達屯門市廣場豐澤排隊購買 iPhone 4，據報導當時已有大約五十人在掛隊，而其間亦發生打尖小插曲。有十幾人見到有鐵馬缺口面懵懵打尖，為了一部 iPhone 4 , 真係咩都做得出。 下面係推友係 Twitter 上分享嘅一啲相片。好多謝推友 @dannychunghk 借啲相比我寫 Blog，感激！亦都希望佢順利買到 iPhone 4 啦！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
