Free App: Veggie Samurai

1 Sep: $.99 -> Free

開頭睇依隻 Game 簡簡單單，一隻青椒兩條蘿蔔，再加多把刀比你切吓切吓，會有幾好玩呀？

吖！Download 完，玩左第一鋪即時上癮，係咁搵手指當刀起勢係咁切啲生菜蘿蔔。

最得意係你切左第一刀個生菜分開一半之後，你再切第二刀嘅話佢真係變成四分，好攪野！

平時返工嘅你邊有幾會入廚房切野吖，Download 隻 Game 切吓野，幻想吓自己切完會煲蘿宋湯比屋企人飲啦！可能會玩得高分啲架 ^_^ 繼續閱讀 »

Free App: 日出日落时间

31 Aug: $3.99 -> Free

依個 App 啱哂攝影發燒友，有左依個 App，以後影日出日落唔使等餐死，晨咁早去到等，等一大輪至有得影。

依個 App 有齊哂每個地方嘅日出日落時間，咁樣就大把時間預備，早幾個字去到，飲啖水再慢慢影，唔使怕影唔到靚嘅咸蛋黃啦！

仲有，如果有情侶鐘意睇日落浪漫吓，更加要 Download 依個 App。

係一個浪漫嘅環境下，能有效促進愛侶間嘅感情架…我估。 繼續閱讀 »

Free App: 信報 Mobile

28 Aug: New App

iPhone / iPad 嘅出現，除左令部部手機都多左 App 依樣野之外，亦都令好多公司爭相去出 App，好似 App 依樣野係有助提升公司形象同知名度咁。

今次就輪到信報，平時自己就冇睇開信報嘅，依家出左 App，方便又免費，當然要Download 嚟睇啦！

App 就會有依個好處，就係平時你未必會睇，但有個 App 係部電話度，當你得閒嘅時候就會襟嚟睇吓。

今次依個 App 嘅介面仲做得好清晰，每段新聞都圖文並荗，睇得好舒服。

希望之後會有更多免費報紙App 出現。

繼續閱讀 »

Free App: PingChat!

其實跨台短訊一直都困擾左我好耐，因為轉台會係一件即將要面對嘅事！大家有睇開我個 Blog 都知我同 3HK 將約好快就會完，係 2012 年4 月我就要轉台 ，咁我同太太或者其他同台嘅好朋友咁點send SMS 呢？唔同叫佢地 send e-mail 或者打電話比我咩？我份人最憎聽電話，實不相暪，我個電話係長期靜音嘅，係一部好寧靜嘅電話嚟。

咁最近就發現左原來有個 App “PingChat!” 係可以係唔同手機平台度 send 短訊，什至影片同聲音檔案，咁樣只要大家都有依個 App，不論你用緊 Android 定係 iPhone，都可以互相 send 短訊啦！

今日就試左用我部 Desire 同另一個用 iPhone 嘅推友玩，大家用落就冇咩問題，收短訊都好快。

而我覺得依個 App 最方便嘅地方係用嚟 send 相，又快又方便，仲好過用 e-mail !

大家都試吓啦！ 繼續閱讀 »

Free App: BlueCam – Premium Edition

26 Aug: $1.99 -> Free

玩左依個 App 一陣，其實唔係好知實際用途係乜，只係知道用 iPhone 影完嘅相可以即時過落部 iPad，係咁多。

講吓個 App 嘅基本野先，首先你要有 iPhone / iPad 各一部，之後兩部裝置都裝左依個 App。咁當兩部裝置都開左個 App之後，佢會叫你用藍芽 connect 兩部裝置，connect 完之後就正式進入戲肉。

你會見到部 iPhone 會係係拍攝狀態，而部 iPad 個畫面就會同時間顯示緊部 iPhone 嘅畫面。咁當你篤一篤部 iPhone 個芒，咁就會影左張相，而張相亦會同一時間係 iPad 畫面度出現，係唔係好過癮先？

用文字我真係唔係好識講，睇圖啦！ 繼續閱讀 »