Paid App: Suppin! – Japanese college girls reveal their bare face -

Aug 2: $ 1.99 –> $0.99

唔知道大家之前有冇睇過一個台灣節目, 講啲少女化妝, 化到啲眼好大, 個鼻好高, 同真人個樣爭好遠, 化妝前同化妝後根本就係兩個人嚟.

依家iPhone 有個 App (唔知出左未), 用手指掃一掃, 就可以將啲化妝掃走佢, 睇吓個女仔嘅素顏係咩樣.

如果依個App 真係出, 我估一定有大量毒男幫襯, 是關佢地識到新朋友, 同佢影張相先, 之後再用依個App 整走啲化妝, 睇吓同真人爭幾遠嘛.

[感謝讀者Hi 提出App 嘅資料比我，Thanks! ]

香港嘅漫畫一直陪伴住我成長, 因為同阿叔一齊住嘅關係, 我細細個已經有大量免費漫畫供應, 日日睇金報生報(即係當時嘅漫畫報紙, 每日連載龍虎門, 壽星仔..等).

當時最暢銷嘅四本武打漫畫；「龍虎門」、「醉拳」、「如來神掌」、「中華英雄」等等都追哂, 仲有後期啲嘅「玉郎漫畫」, 依家諗返起都仲記得啲情節.

不過後期到左黃玉郎出事, 馬榮成自組公司之後, 已經開始冇再追港漫, 因為覺得質素差左好多. 諗返起當年馬榮成+劉定堅嘅中華英雄, 真係好睇到震, 銷量仲要超越埋老闆本龍虎門, 真係唔講得笑, 最高銷量有成二十萬本一期.

如果依家真係可以用iPad 睇返以前啲港漫就正囉, 又唔使煩冇地方擺, 又唔使四圍搵, 搵到又要捱炒價. 希望各大出版社快啲出啦! 我真係好想睇返以前啲咁正嘅漫畫呀! 好似「王小龍之死」、「華英雄決戰無敵」、「華英雄鬼僕勇闖黑龍島」…等等.

繼續閱讀 »

iPad 出左兩日，大大小小媒體鋪天蓋地嘅報導真係多到飛起。

由排隊買，開箱，拆解，越獄，軟件，巨細無遺咁報導。

但我對 iPad 嘅新聞一啲都冇興趣，依家 iPad 又冇行貨，你同我講 iPad 有幾勁幾好用，咪即係同個係沙漠嘅人講可樂有幾咁好飲，都係得個諗字。

不過 iPad 啲 App 真係勁好多，而且仲要好 Pro，個畫面大少少已經同 iPhone 係兩個世界。

App Store 亦都整左個細細嘅 icon 比大家分別 iPhone / iPad 嘅 App，唔使攪錯。

當大家用桌面Browser Click Download App 嘅時候，依家會有一個 iTunes 網頁預覽畫面比大家睇，而唔係直接去iTunes 度。當然你決定左要繼續Download 個 App, 仍然要去 iTunes。

但其實兩者睇嘅野其實係一樣嘅，唔知點解要整多個預覽出嚟呢？因為法國大餐？

例如大家係本網站 Download App.

之後個 Browser 就會彈左個 iTunes 網頁出嚟，神奇！

App:  Plants vs. Zombies

係網上人氣爆燈嘅遊戲』Plants vs. Zombies』，預計12月份會係iPhone 推出遊戲！

依隻Game 除左公仔得意之外，遊戲性即非常之高，我玩過一次即刻上癮。

隻遊戲係類似守城嘅玩法，一路種各種植物抵抗僵屍嘅來襲，簡單得嚟但又非常刺激。

大家如果等唔切隻Game 嘅話，可以Click 下面條Link 玩住Web 版先。

Plants vs. Zombies Web 版試玩