Samsung Galaxy Note 除左個 Mon 大吸引之外，另一個賣點就係枝 S Pen觸控筆，今日就簡單試吓枝 S Pen 係幾咁方便。 第一個Video 就用S Pen擷取畫面, 再去S Memo 度再加字. 用後感: 有咗S Pen嘅Note 好明顯係擷取畫面功能上比起GS2更加方便, 可以一氣呵成咁完成整個程序, 唔需要係擷取畫面後再去Gallary度搵張圖出嚟Edit. 第二個Video 就用S Pen快速開啟記事簿寫便條. 用後感: S Pen可以係主螢幕直接叫喚記事簿功能, 再直接寫上文字或圖案, 或是打字, 很方便. 最令我滿意的是S Pen的反應很快, 並沒有一點遲緩的感覺, 令我可以好放心咁寫得好快. 第三個Video 就用S Pen 係影片上加上文字, 依個功能亦係最令我驚喜嘅一個功能! 用後感: 用Note拍完片, 再用S Pen係影片中加入文字或一啲圖案, 可以令到影畫面更加豐富更富特色(又或者更加混亂XD). 我就好簡單咁整左一條片, 前後都唔使幾分鐘, 如果屋企有小朋友就真係啱哂. share: Blog this! Bookmark on Delicious [...]
Posts Tagged ‘Android’
[Android] 高登神獸咭全集～～出擊！
十一月 18th, 2011 
sidxx 10 Nov, 2011 New App: 高登神獸卡全集 有時真係一幅圖勝過千言萬語，如果仲要係一張好抵死嘅改圖，效果就更加好！ 好似香港選特首單野咁，日日都有笑料爆出嚟，仲好睇過戲。 你以為 TVB 台慶先有嘅表演節目，原來祖國日日都有真人示範。 我記得有年台慶表演(當然係指無線啦，唔通你會睇亞視台慶？)，係好多藝員企係張好細嘅枱度，之後有個打筋斗好叻嘅藝員，係好遠跑跑跑之就用彈床彈上去最高，大字形咁瞓係班藝員上面做結尾。依條片我係 YouTube 搵咗好耐都搵唔到，但原來大陸有班小朋友日日都做緊依個可能入到健力士大全嘅表演，就係64人塞喺架9座位巴士度，你話係咪好慘呢？係大陸到底人命何價？ 東方日報: 九座位塞64人 甘肅幼園校巴撞車20死 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[開箱] Samsung Galaxy Note 簡單開箱
十一月 13th, 2011 sidxx 今日有家庭成員離開 iPhone 陣營，轉去 Android，因為睇中左部5.3″超大Mon 嘅 Samsung Galaxy Note(下稱GN)，咁我就順手影幾張相同埋試玩吓啦！ 我將我部 GS2 放係 GN 旁邊比較下，GS2 就好似變左個小朋友咁，因為 GN 個 mon 真係好大，而且個 Mon嘅細緻度比起GS2仲要高，越睇越靚。 當然，有啲人會覺得電話使咩要咁大個Mon 呀？拎又麻煩，袋又麻煩，又唔可以單手用…等等。不過我就咁睇，電腦就好似車咁，有兩坐位、四坐位、五坐位、七坐位…，有啲七人車得兩個位都有，唔通來來去去得嗰幾款好咩？個 form factor 得唔得，睇下有冇人買咪知囉。咁總會有啲人唔介意部電話大大部睇野睇得舒服啲架嘛。 整體嚟講部 GN 行得好順，同GS2 差不多。不過個喇叭就明顯比起 GS2 大聲，不論係通話同埋睇片時都係。枝筆就未有時間試，稍後再寫。 不過用緊 GS2 嘅人真係唔使轉去 GN, 因為我覺得分別唔會好大(當然，你收到政府六千蚊又身痕嘅當然可以考慮換啦！), 不如睇多幾個月，睇吓 Samsung 會唔會減價又或者出 Galaxy Note Plus 先再考慮啦。 睇吓開箱相先，有時間再為大家測試吓部 GN. share: Blog this! Bookmark on Delicious Digg this post Recommend on [...]
[Android / iOS] 公主憤怒了！
十一月 10th, 2011 sidxx 3 Nov, 2011 New App: Princess Punt 依個國家嘅公主唔知係唔係睇得《足球小將》多，所以腳法特別勁！居然諗到當士兵波咁踢去打怪獸，真係幾新鮮！ 其實個遊戲玩法就好似 Angry Brid 咁，係遠距離用物件拋物線咁攻擊目標。不過今次啲士兵可以升級，而且仲可以用唔同嘅武器，刺激好多。 只要你用熟左每個士兵，幫佢地升級吓啲武器，全三星制霸爆機都唔難架！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[Android] 二戰風雲？定係二戰瘋暈？
十一月 3rd, 2011 sidxx 29 Oct, 2011 : New App – 二戰風雲 我都知道打機唔使太認真，即使依個Game 叫二戰風雲，都唔一定同歷史上嘅二次世界大戰有關。 咁唔去理佢隻Game 個歷史背景設定，只係想簡簡單單、正正常常咁打吓飛機又得唔得呢？答案係～～唔得！ 因為依隻Game 嘅戰機設定完全超越咗現今科技，所以係操作上好難控制。實情係隻機唔可以叫做「飛機」，應該叫做「閃機」，唔知咩叫「閃機」？簡單啲講即係一架擁有悟空瞬間移動嘅飛機，你係個芒度點一下佢就會閃去嗰度，個設計真係好膠新穎！ 我唔知你鍾唔鍾意玩，但我就真係麻麻，閃閃吓都唔知閃左去邊，點玩？ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[Android]《爽報》Android應用程式出咗啦！
十月 29th, 2011 sidxx 26 Oct, 2011 : New App - 爽報香港 其實由《爽報》創刊咁耐真係一份都未拎過嚟睇！一來朝早返工已經好趕，二來又好多公公婆婆排隊拎，三來爽報啲內容好似唔係好啱我口味，所以就冇拎到，費事浪費啲紙啦！ 不過對於爽報讀報紙依樣野我又好鐘意，因為依家好少聽收音機，所以如果其他報章有讀報紙功能就正，我一定會聽！ 希望其他報紙可以學習吓爽報讀報紙依樣野，咁大家都多啲選擇吖！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] Samsung Galaxy S2 升級至 2.3.5 用後感
十月 22nd, 2011 sidxx 自從由 iPhone 4 轉左去 Samsung Galaxy S2 之後，係適應上都冇咩大問題，最令我困擾嘅就係耗電問題。 我承認我係一個使用量極高嘅用家，基本上時時刻刻都會用部GS2，所以啲電去得快我都預左，但係 GS2 耗電之快真係令我出乎意料之外，我試過用４小時就用哂一粒充滿左100%嘅電，有時出一日街，帶兩粒電都怕唔夠用，仲考慮買第三粒㖭。 不過升左2.3.5 之後，成部 GS2 用電就回復返正常狀態，充滿100%電係一般使用情況下可以用15小時（我太太使用情況），而高用量用家（亦即係我囉）就可以用７小時左右，比起之前已經有好大改善，唔使再擔心啲電倒水咁用法。 升左2.3.5 之後，除左耗電問題得到改善之外，係影相方面反應亦快左好多。之前我好少用官方內置影相軟件影相，因為嫌佢反應慢，多數用 Miui Camera 影。但升級之後，我覺得用返官方影相軟件都得，唔使再用其他第三方軟件。 見到有啲討論區同 Samsung Facebook嘅留言，話升級 2.3.5 之後會成日 reset 部機，我又冇遇過依個問題，唔知係個別事件定係彩數問題。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post [...]
[分享] 跨平台通訊軟件「LINE」
十月 14th, 2011 sidxx Free App: Line Line 其實係另一個類似whatsapp 嘅軟件，有咗佢你就可以跨平台咁 send 短訊同埋傾電話，唔使再計住啲咩「自己人」，「心連心」通話時間。不過如果你真係有急事打比對方，我就會建議你打返對方手機號碼，因為我試左三、四次打完電之後對方要等好耐個電話至會響，大約三分鐘左右啦。 另外就係佢除內置埋 Emoji 公仔之外，仲有個叫 Stickers 嘅功能，比你貼啲好抵死嘅公仔，同朋友Chat起上嚟會有趣好多。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
Posted in Free App 
Tags: Android, Android Market, Free App, iMessage, iPhone, LINE, whatsapp 
3 Comments »[Free App] 你都可以擁有你個人的網上名片
九月 27th, 2011 sidxx Free App: Cardcloud New App: 19 Sep, 2011 依家網上嘅 Social Media 咁多，有時想一次過比哂自己啲資料人都幾麻煩。 見到人想交換 Facebook，唔通同佢講比個名你 Search 咩。要型就梗係派名片啦！仲要係電子名片，有齊哂你嘅個人資料同埋頭像，一張攪掂哂！ 好似我咁，整返張哈哈笑頭像咭片，同啲Blog 友推友交換吓都幾好架！ 你都整返張啦！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] 用 MTALK 個人化你的 Jawbone Era
九月 4th, 2011 sidxx 有冇諗過藍芽耳機都可以好個人化，可以自己揀用咩聲音嚟同你講有來電或者剩返幾多電？ Jawbone 就推出左 MYTALK，只要將你嘅Jawbone藍芽耳耳配合MYTALK就可以個人化你嘅耳機！ 成個過程好簡單，等我示範一次比大家睇吓啦！ 首先去MYTALK 主頁先 : http://mytalk.jawbone.com/jb2/mytalk/beta share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
Posted in Free App Tags: Android, AUDIOAPPS, DAILAPPS, iPhone, Jawbone, Jawbone Era, MYTALK No Comments »
