尋晚去左 1010 嘅 iPhone 派對，真係好好玩，見到好多明星，又識左好多其他Blogger，得益不少。 個 Party 好熱鬧，特別係將近到 12:00 嘅時候，會場播住 "Mission Impossible"嘅配樂, 再由 3 位戴住太陽眼鏡嘅猛男持拎金屬公事喼進場，主持人再倒數 10、9、8、7、6、5、4、3、2、1…　然後拎部 iPhone 4 出嚟，氣氛真係好正。 每位嘉賓均可獲增CSL 送出 iPhone ４一部，包括有：陳貝兒, Ana. R, 張寶華, 楊志超, 鄧達智 同埋方中信。不過有趣嘅係當嘉賓拎左部 iPhone 4 之後就掛住影相玩自拍，個主持人問咩都好似唔係好聽到咁，好攪笑。 最後我地去左大會安排嘅地方，親身一試部 iPhone 4，拎上手玩左一陣，發覺影相拍片都好正，而且個芒真係好清好清。最重要係 CSL 嘅職員示範用 iPhone  4 睇 TVB  嘅高清劇集，真係好高清而且仲要好順，一啲起格都冇。 講左咁耐，睇吓我影嘅相啦。 share: Blog this! Bookmark on Delicious Digg this post Recommend on Facebook [...]