尋晚去左 1010 嘅 iPhone 派對，真係好好玩，見到好多明星，又識左好多其他Blogger，得益不少。 個 Party 好熱鬧，特別係將近到 12:00 嘅時候，會場播住 "Mission Impossible"嘅配樂, 再由 3 位戴住太陽眼鏡嘅猛男持拎金屬公事喼進場，主持人再倒數 10、9、8、7、6、5、4、3、2、1… 然後拎部 iPhone 4 出嚟，氣氛真係好正。 每位嘉賓均可獲增CSL 送出 iPhone ４一部，包括有：陳貝兒, Ana. R, 張寶華, 楊志超, 鄧達智 同埋方中信。不過有趣嘅係當嘉賓拎左部 iPhone 4 之後就掛住影相玩自拍，個主持人問咩都好似唔係好聽到咁，好攪笑。 最後我地去左大會安排嘅地方，親身一試部 iPhone 4，拎上手玩左一陣，發覺影相拍片都好正，而且個芒真係好清好清。最重要係 CSL 嘅職員示範用 iPhone 4 睇 TVB 嘅高清劇集，真係好高清而且仲要好順，一啲起格都冇。 講左咁耐，睇吓我影嘅相啦。 share: Blog this! Bookmark on Delicious Digg this post Recommend on Facebook [...]
Archive for 七月, 2010
[分享] CSL 1O1O iPhone 4 派對夜
七月 31st, 2010 
sidxx 
Posted in 
Tags: 
[iPad] 電子書/雜誌大集合
七月 30th, 2010 sidxx 行貨 iPad 出左之後, 好多人都已經左, 睇吓嗰日排隊賓墟咁嘅場面就知. 但希望大家唔好好似我咁, 部iPad 淨係要嚟上網, 咩都唔做. 依家就介紹一啲電子書網站比大家, 等大家可以得閒可以用部iPad嚟睇吓書. 我自己就集中睇漫畫同埋一啲短篇小說, 太太就鐘意睇雜誌. 至於囝囝, 我就仲未搵到一啲兒童電子書比佢, 希望遲吓會有啦. 大家可以參考下面網站, 希望會有啱你心水嘅書啦!! share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[新產品] Magic Trackpad – 魔術方塊
七月 27th, 2010 sidxx Magic Trackpad 今個月真係好唔掂, 搵幾多錢都冇用, 全部自動過戶比蘋果. 上星期就 iPad, 下星期就 iPhone 4, 已經有哂心理準備, 點知今晚 Apple Store 無喇喇 Down 咗, 都心知不妙. 等Apple Store 開返, 即刻見到有件叫" Magic Trackpad" 嘅野, 依件野直頭就係 MacBook 上面個 trackpad 嚟. 嘩~~ iMac + Trackpad, 幾咁 Perfect 呀! 唔使講野, 即刻比錢. (之後有排食樹皮…) 件貨如無意外大約會係 7/29 – 7/30 號送到, 到時再寫開箱文同大定分享依塊Pad 啦 ! share: Blog this! Bookmark on Delicious Digg this post [...]
[消息] 1010 iPhone 4 發佈會
七月 27th, 2010 sidxx 今日真係好開心, 因為收到電訊商1010 嘅邀請, 係星期四夜晚去iPhone 4 嘅發佈會, 名為 "1O1O iPhone 4 Launch Celebration" . 寫左咁耐Blog, 都係第一次收到邀請去咁大型嘅Event. 今次會帶埋相機, 影多啲相返嚟同你地分享. 希望到時1010會公佈更多有關 iPhone 4 嘅安排啦 ! 好心急呀!! share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[消息] Apple Store 7/30 公開發售iPhone 4
七月 27th, 2010 sidxx 等左咁耐, 終於等到蘋果嘅公佈. 7/30 iPhone 4 會係 Apple Store 同步開售. 由於自己仲同3HK 仲有長約係身, 所以3HK 一直都未有聯絡我傾upgrade去iPhone 4 嘅Plan, 如果Apple Store 冇得賣, 真係唔知要等到幾時. 依家Apple Store 有得賣就放心哂. 仲有呀 ! 今次 iPhone 4 個定價仲要低過之前3GS 個價, 唔知係唔係因為受到"天線門"事件所影響呢? 因為定價平左，所以我打算會買32GB 嘅版本，咁就可以拍多啲高清片啦！爽呀！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the [...]
[消息] 數碼通公佈7/30發售 iPhone 4
七月 26th, 2010 sidxx 距離 7/30 日得返幾日時間，４大網絡供應商要開始公佈 iPhone 4 嘅安排同埋 Plan嘅資料，數碼通就非常“積極”咁第一個公佈。 之前係 Twitter 已經知道數碼通會係 7/25 23:59 公佈 iPhone 4 嘅詳情，但去到數碼通嘅官網，除左講會係 7/30 號有 iPhone 4 會係各大門市發售外，其他資料一律欠奉。 咁嘅公佈同冇講有咩分別呢？？起碼比啲Plan 嘅資料嚟睇睇啦。 攪咁多野就係為左話我知 7/30 有得賣，真係多謝哂！ Smartone-Vodafone iPhone 4 官方網站 大家睇吓公佈前同公佈後嘅分別係幾咁大！ 公佈前 公佈後 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe [...]
[新上架] 國泰推出官方 iPad 軟件
七月 23rd, 2010 sidxx Free App: CX Mobile for iPad 21 Jul: New App 國泰係好早之前已經推出過 iPhone App "CX Mobile"，今次再推出埋 "CX Mobile For iPad"，真係抵讚，夠進取！ 其實 iPhone / iPad 版兩者內容都係差唔多，不過 iPad 版因為畫面較大，所以睇起上嚟就舒服好多，而且睇相仲一流。 剩係睇“Meet the team”嗰部份已經值回票價，空姐啲相影得好靚，真係可以用嚟做 Wallpaper. 咁啱我八月頭會去星加坡，個 App 又有城市資料比我睇埋，啱哂！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe [...]
[新上架] 聽日買左 iPad 記得裝依個 App 呀！
七月 23rd, 2010 sidxx Free App: Flipboard 21 Jul: New App 聽日 (23 Jul) 係香港 iPad 嘅首賣日，係各 forum、Twitter 都睇到好多人問聽日去邊度排隊，幾點去排，真係未出發先興奮嗰隻。 不過以咁嘅價錢(最平 16G Wifi $3,888)，買到一部咁正嘅 Device，可以比你上網、睇電子書，打機、聽歌、睇片…，真係超哂值，而且最正舊電真係好襟用，唔會用幾粒鐘就玩完。 大家咁開心，介紹隻新嘅 iPad Free App "Flipboard" 比大家先。依個 App 可以將你嘅 Facebook / Twitter 上嘅資訊，轉換成另一個好有趣嘅介面，睇起上嚟又幾好用。 不過我 Download 左之後想用都用唔到，因為可能太多人用，個server 已經負荷唔到。 share: Blog this! Bookmark on Delicious Digg this post Recommend on Facebook Buzz it up share via Reddit Tweet [...]
[影片] 用iPad睇港漫簡直係享受
七月 22nd, 2010 sidxx 香港嘅漫畫一直陪伴住我成長, 因為同阿叔一齊住嘅關係, 我細細個已經有大量免費漫畫供應, 日日睇金報生報(即係當時嘅漫畫報紙, 每日連載龍虎門, 壽星仔..等). 當時最暢銷嘅四本武打漫畫；「龍虎門」、「醉拳」、「如來神掌」、「中華英雄」等等都追哂, 仲有後期啲嘅「玉郎漫畫」, 依家諗返起都仲記得啲情節. 不過後期到左黃玉郎出事, 馬榮成自組公司之後, 已經開始冇再追港漫, 因為覺得質素差左好多. 諗返起當年馬榮成+劉定堅嘅中華英雄, 真係好睇到震, 銷量仲要超越埋老闆本龍虎門, 真係唔講得笑, 最高銷量有成二十萬本一期. 如果依家真係可以用iPad 睇返以前啲港漫就正囉, 又唔使煩冇地方擺, 又唔使四圍搵, 搵到又要捱炒價. 希望各大出版社快啲出啦! 我真係好想睇返以前啲咁正嘅漫畫呀! 好似「王小龍之死」、「華英雄決戰無敵」、「華英雄鬼僕勇闖黑龍島」…等等. share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell [...]
[消息] iPad – 7/23 香港開賣！
七月 20th, 2010 sidxx 繼 iPhone 4 公佈香港售賣日期之後，iPad 亦都公佈埋會係 7/23 號正式係香港發售，售價由 HKD 3,888 起。 睇落價錢真係好平好吸引，比起我係四月頭用 $5,480 買水貨有大概 $1,600 左右嘅差價。 不過部 iPad 依家都好粗勞吓，除左比太太閒時用嚟係屋企上網之餘，有時囝囝都會用嚟玩吓畫畫、彈吓琴同埋用 YouTube 睇兒歌。間唔中有家庭聚會，會入啲囝囝嘅相落部 iPad，帶去比屋企人睇，用途係咪好廣泛先？反而睇電子書就極少。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
