每逢過時過節, 好興send 啲祝福或者有意思 實情就係無里頭 嘅SMS 比親朋戚友, 咁佢地收到又會好似鬼上身咁轉發比人. 如果你有依種嚐好嘅話, 依個App就真係啱哂你. 佢有齊哂所有種類嘅SMS, 而且分門別類, 幾時想send, 是旦搵個就send 得. 我Download 完就即刻send 左幾個比我啲朋友, 我諗佢地收到一定好開心啫! 所有短訊都分門別類, 井井有條. 有各種節日嘅短訊. 仲有友情天地, 問你怕未? 是旦搵個send 比"好朋友"先! 按下方嘅圖案即可把短訊複製, 再貼去SMS 就得. share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this [...]
Archive for 十一月, 2009
iPhone能促進親子關係？
十一月 16th, 2009 
sidxx iPhone嘅 App 越出越多，創意無限！ 依家用iPhone 仲可以有助親子關係，令到家長同小朋友無哂隔膜。 有冇咁利害？睇吓條片你就知我唔係講笑。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
免費更新雪豹
十一月 14th, 2009 sidxx Mac OS X Snow Leopard （雪豹）其實係 28 Aug 已經出咗，不過自己一路都冇 Upgrade。 唔 Upgrade 嘅原因係覺得用緊嘅 Mac OS X 10.5 都夠用，而且用左成十個月都冇慢嘅感覺，所以就唔打算花費 upgrade. 點知，尋日有個同事問我Magic Mouse 好唔好用，因為佢都打算買返隻 (都係自己懶，寫完開箱文之後冇寫返個用後感），係言談間問我有冇upgrade 個 OS 去雪豹，我就解釋比佢聽冇。 佢聽到之後，就同我講佢買咗套 Snow Leopard Family Pack，仲有剩２張 Licence，話可以借比我，咁我就唔客氣拎左返屋企。 聽日再整個詳細嘅更新過程啦！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe [...]
今次Jailbreak, 是被迫的!
十一月 13th, 2009 sidxx 最近, 我的iPhone 3GS 一直跟電腦連不上. iPhoto 怎樣也Detect 不到我的iPhone 3GS (但iTunes卻可以), 害我的相片/影片一路也不能備份. 因為有一些跟家人到韓國旅行的照片, 很有記念價值, 所以很想把它盡快備份, 怕有一天iPhone 壞掉會失去這些照片. 到了昨天, 下了決心, 要JB 多一次, 誓要把所有相片從iPhone 中取回. 在JB之前, 跟推友確定了, 先把iPhone 經iTunes 更新至官方最新的Firmware 3.1.2, 再用blackra1n進行JB. 之後,就馬上用iTunes 把iPhone Restore一次, 待Restore完成後, 在沒有JB的狀態下, iPhoto 居然認出iPhone !! 我立即把所有相片/影片灌進iPhoto (大概有千多張相片加五十多條影片). 待所有相片都備份之後, 再進行JB的步驟. 其實用blackrain 進行JB, 真是簡單不過, 不消兩分鐘已經完成. 雖然今次iPhone 出現了小毛病, 但總算找到解決方法, 而且過程中並沒有遺失任何相片或資料, 總算大幸. 相比起其他電話, 我想沒有這麼幸運, 因為其他電話的備份功能, 並沒有iPhone做得那麼周詳啊! 最後, 要多謝三位推友 @ericheuk, @macjuju, [...]
商業電台官方軟件出爐
十一月 13th, 2009 sidxx Free App: HKToolbar Mobile 12 Nov: New App 不知何時, 電話一定要有收音機,否則部電話就會比人視為傷殘人士看待.iPhone初出,亦面對過依個問題,堂堂高科技Smartphone,居然冇收音機? 可笑! 不過隨著軟件推陳出新,用iPhone聽收音機已經唔係難事,之前已經有一個收費軟件Wunder Radio($6.99),可以收聽全球電台.但習慣左享受免費聽收音機嘅我,當然唔會比錢去買依個App啦! 卒之今日商業電台推出依個收音機軟件,可以隨時收聽商台節目,而且仲有埋新聞資訊,真係一流. share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
英超精華即時睇
十一月 12th, 2009 sidxx Free App: Premier League Video Highlights 11 Nov: Free App 相信大家都有睇開英超, 依排利物浦真係周身唔得閒, 傷兵又多, 又成日輸波, 歐聯又面臨出局邊緣, 真係可憐. 相反我隊愛隊阿仙奴就如魚得水, 入球頻頻之餘仲個個都Fit到漏油, 真係飲得杯落. 不過我就冇裝Now TV, 所以冇得睇英超, 都係間唔中上吓Youtube 睇吓精華. 但依家有依個App就方便哂, 因為佢有布哂所有精華, 仲有咩最佳撲救. 有左依個App, 就算有時唔得閒睇波, 都可以重溫返啲精華. ** 依個App 係要用 Wifi 先睇到架 ** 一個極度趕客嘅版面！. 真係好新又夠齊. 利物浦對伯明翰, 追返一球. 謝拉特又追一球,但都係只可以和波收場. share: Blog this! Bookmark on Delicious Digg this post Recommend on Facebook Buzz it [...]
尿袋首日使用報告
十一月 11th, 2009 sidxx 買左個尿袋, 第一日拎返工, 未用, 但心裡面有一種安全感. 係! 之前好冇安全感, 因為成日驚冇電, 要睇住啲電仲有幾多Percentage 做人. 不過點睇都冇用, 啲電一日唔轉紅色, 我都係會不斷咁上網, 玩Twitter. 我相信你地都同我一樣, 中左毒. 講返舊電, 我部 iPhone 得返16%電, 就開始用舊差電. 下面係差電嘅進度: 09:40 - 16% 10:00 - 41% 10:50 - 84% 11:10 - 90% 12:14 - 100% 根據第一次差電嘅時間嚟睇, 大概要用兩個半鐘就可以幫部 iPhone 差滿電. 但當我想差第二次嘅時候, 差右大約20分鐘左右 (20%電力), 已經停左, 証明舊差電嘅電力只能夠差滿一次iPhone. 對我嚟講, 差滿一次都已經夠用. 但如果你係長時間係戶外嘅話, 依舊電嘅電力未必夠用. share: Blog this! Bookmark on Delicious Digg this post Recommend on [...]
好很費的電子鐘
十一月 11th, 2009 sidxx Free App: Super Big Clock 9 Nov: US 99.99 –> Free 起初見到依個減價 App, 依為係由 US 9.99 變 Free。點知睇真啲，原來係 US 99.99 至真，成八舊水港紙。 你收得人八舊水港紙，咁個 App 一定好美輪美奐同埋好多花臣野攪架啦！ 嘩～！一睇，簡約到不得了，一眼睇哂就係下面三版野，少少 setting 都冇，勁！ 依啲 App 擺明整出嚟昆水，大家 Download 前記得睇清楚價錢至好 Download 呀。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it [...]
我的尿袋
十一月 9th, 2009 sidxx 有用 iPhone 嘅人一定知道， iPhone 嘅電係好難維持一日，唔係因為 iPhone 舊電唔夠勁，亦都唔係因為 iPhone 大食。 而係因為有好多 User 不停咁用部 iPhone, 例如: Twitter , Facebook , 上網，聽歌，睇戲，打機，MSN…等等。 好似我咁，平時返工出門口前，部 iPhone 一定係差爆100%先出門口嘅，咁一落樓就會用 Reading 睇新聞，跟住就上 Twitter 同推友講吓早晨。 接住就上 Facebook 睇下朋友有咩 update，之後再上網睇吓有咩新 App要 Download。一路玩，玩到返公司大概得返 70%電。 之後就間唔中 Twitter 同 send SMS, 咁如無意外中午就會得返50% 電左右，再一路玩落去到3、４點就只剩返30%。一定捱唔到一日嘅。 所以為左好安心咁玩，唔使成日驚冇電，就決定買舊後備電(俗稱"尿袋")，隨身攜帶，等冇電嘅時侯就可以差。 咁收工就去荃灣嘅荃豐中心度碰吓運氣，睇吓有冇咩平靚正嘅後備電買啦。哈，居然比我搵到我心目中想買嘅產品 Sanyo KBC-L3S-SP，而且個價錢仲要係超抵，只需HK $130，係真意料之外。 由於今晚差緊電，未用得住，試用報告要聽日先有，依家睇住相先。 Sanyo KBC-L3S-SP (2500mAh) HKD 130.00 (有單為証) 背面，冇咩特別，例牌影一影咁啫。 HKD 130 [...]
Posted in iPhone, iPhone Accessories 
Tags: iPhone, Sanyo, Sanyo KBC-L3S-SP, 外置電, 尿袋, 後備電 
6 Comments »兩個網上電視軟件之比較
十一月 9th, 2009 sidxx 自從出左個 W.TV App 之後，唔使 JB 都可以睇到電視，真係方便至極。 但個 App 曝光唔夠一個星期， TVB 台即刻比人和諧咗，攪到冇得睇“宮心計“。 不過唔緊要，我都係至在睇波啫。 我部 iPhone 裝左兩個睇電視嘅 App, 一個 W.TV，另一個萬花筒(要JB). 講方便就一定係 W.TV 贏，因為唔使JB，Download 即用，夠哂簡單。但畫質就好萬花筒好少少，不過就冇聲。 而且流暢度都係萬花筒比較穩定，因為測試時用 W.TV 睇左15分鐘左右， W.TV 就開始窒，跟住仲停埋。反觀萬花筒都有窒嘅情況，但就好快回復正常。 如果你部 iPhone 係冇 JB 嘅，咁唔使講一定係用W.TV. 但如果有 JB 嘅話，我會建議用萬花筒。 W.TV畫面。 萬花筒畫面。 share: Blog this! Bookmark on Delicious Digg this post Recommend on Facebook Buzz it up share via Reddit [...]
