美素佳兒分享會

大家係咪好奇怪點解我會無啦啦寫啲唔關 iPhone 事嘅野呢？其實今次係好多謝網友邀請我去依個「美素佳兒分享會」，因為我除左玩 iPhone / iPad 之餘，仲係一個兩歲半小朋友嘅爸爸，所以凡是對小朋友健康有關的活動，我都有興趣參加。自己亦希望參加今次活動，可以將聽到的知識同其他爸爸媽媽交流交流。

到達會場，講座隨即開始，由兒科醫生同營養師跟大家講講嬰兒腸道健康與免疫力跟奶粉的關係。

其實大家都知道奶粉對小朋友的重要性，因為小朋友每天就是吸收奶粉中的營養。記得囝囝由出世到戒奶時（大約兩歲就戒左奶），都係食日本奶粉。但到左轉奶粉期閒（細仔轉大仔），問題就出現，就係一食親大仔奶粉，就無便便，試過連續３－４日都無便便，擔心死我。

所以係今次講座，聽到醫生講關於腸道健康時，特別留心，亦好有共鳴。

聽到今次美素佳兒奶粉加入左益生菌（P2 System配方），可以增強小朋友腸道健康。我自己當年揀奶粉沒有留意依點，你話如果當年有去依個分享會，我個囝囝就冇便便問題啦。

咁啱有朋友生左個 BB，決定今次就將奶粉轉贈比佢，希望佢個 BB 食到健健康康，快高張大，便便暢通啦！

下次再有機會同大家分享其他活動。

繼續閱讀 »

今天晚上，之前吹到天花龍鳳嘅咩 『iTablet』、』iSlate』通通錯鬼哂！叫 iPad 至真！

其實睇個樣只不過係一部放大咗嘅 iPod Touch，但佢有埋3G 版，咁樣你就要多個考慮，到底比唔比多USD 130.00 買個 3G Function呢？買左你又要食多個 Plan喎，都幾金架！我就好大機會買 Wifi 版，因為未必成日拎出街用，係屋企用 Wifi 版就夠啦！ 繼續閱讀 »

今日卒之正正式式成為 Mac 人, 有開心亦都有唔開心. 開心嘅係用一個新嘅 OS, 有好多野學, 差唔多要從頭學過哂, 不過成日都有新野學到。唔開心嘅係我部 iPhone 一插落部 iMac 度一 Sync, 全部 App 冇哂，要從頭裝過，不過好彩啲 Contact 就冇事。

以後我仲會將我每日學到嘅 Mac 知識係度同大家分享。

你睇吓啦。。未識用連 Post 相都唔掂，張相仲細張過啲郵票，你地要睇就 Click 放大嚟睇啦。

大功告成。

今日搭地鐵見到個好得意嘅畫面, 就係見到兩公婆拎住部 Game Boy Color 玩. 係 ! 你冇睇錯, 我冇打錯, 係 GAME BOY COLOR !! 佢地係度玩緊 Tetris (即係俄羅斯方塊), 一人一鋪輪住玩, 玩得好開心.

當依家啲遊戲機出到 NDSi, Wii, PS3… 嘅時候, 原來越簡單嘅遊戲就越能夠經得起時間嘅考驗. 君不見依家啲遊戲機手制已經由當年紅白機時代嘅 A , B 制進化到 A, B, O, X, L1, L2, R1, R2, ….就嚟多到10隻手指都禁唔哂.

係時代不停進步嘅時候, 我地亦不停咁比科技推我地向前走, 不斷咁追求新嘅產品. 但有時我地有冇停低落嚟, 諗下自己想要啲咩呢? 可能一樣好簡單嘅野都足以令你回味好一陣子.

寫Blog 是因為買左 iPhone 3G 加上有 WordPress 依個咁方便嘅 App 至決定寫. 因為可以隨時隨地寫, 而且也因為有 iPhone 同App, 我可以有好多好多題材寫, 可以將一啲好嘅 App 或唔好嘅 App 寫低同人分享.

由於自己都係 iPhone User, 好多時覺得香港係依方面嘅資訊比起其他地方缺乏, 所以希望自己嘅Blog 可以幫到一啲新嘅 User. 就以尋日嘅一篇 『Air Jacket開箱文』 為例, 2日有36個人睇, 証明依啲 iPhone Accessoires 嘅開箱文係可以吸引到讀者(即使我文筆唔係太好), 希望日後可以有多啲機會寫依啲開箱文.

(圖中顯示: iPhone – Free App 集中營係 25 Dec 為 Growing Blogs 第一位)