29 Oct, 2011 : New App – 二戰風雲 我都知道打機唔使太認真，即使依個Game 叫二戰風雲，都唔一定同歷史上嘅二次世界大戰有關。 咁唔去理佢隻Game 個歷史背景設定，只係想簡簡單單、正正常常咁打吓飛機又得唔得呢？答案係～～唔得！ 因為依隻Game 嘅戰機設定完全超越咗現今科技，所以係操作上好難控制。實情係隻機唔可以叫做「飛機」，應該叫做「閃機」，唔知咩叫「閃機」？簡單啲講即係一架擁有悟空瞬間移動嘅飛機，你係個芒度點一下佢就會閃去嗰度，個設計真係好膠新穎！ 我唔知你鍾唔鍾意玩，但我就真係麻麻，閃閃吓都唔知閃左去邊，點玩？ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
Archive for the ‘Free App’ Category
[Android]《爽報》Android應用程式出咗啦！
十月 29th, 2011 
sidxx 26 Oct, 2011 : New App - 爽報香港 其實由《爽報》創刊咁耐真係一份都未拎過嚟睇！一來朝早返工已經好趕，二來又好多公公婆婆排隊拎，三來爽報啲內容好似唔係好啱我口味，所以就冇拎到，費事浪費啲紙啦！ 不過對於爽報讀報紙依樣野我又好鐘意，因為依家好少聽收音機，所以如果其他報章有讀報紙功能就正，我一定會聽！ 希望其他報紙可以學習吓爽報讀報紙依樣野，咁大家都多啲選擇吖！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] SMART COVER 成為 IPAD 2 解鎖工具！！
十月 22nd, 2011 sidxx 係 YouTube 有條片見到 iPad 2 即使有用密碼鎖，只要巧妙咁用 Smart Cover就可以輕易破解密碼鎖！ 如果有用 iPad 2 加 Smart Cover 嘅你，一定要小心啲，唔係啲個人資料好易比人睇哂！ 去片！ [來源 : 9to5mac.com ] share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] Samsung Galaxy S2 升級至 2.3.5 用後感
十月 22nd, 2011 sidxx 自從由 iPhone 4 轉左去 Samsung Galaxy S2 之後，係適應上都冇咩大問題，最令我困擾嘅就係耗電問題。 我承認我係一個使用量極高嘅用家，基本上時時刻刻都會用部GS2，所以啲電去得快我都預左，但係 GS2 耗電之快真係令我出乎意料之外，我試過用４小時就用哂一粒充滿左100%嘅電，有時出一日街，帶兩粒電都怕唔夠用，仲考慮買第三粒㖭。 不過升左2.3.5 之後，成部 GS2 用電就回復返正常狀態，充滿100%電係一般使用情況下可以用15小時（我太太使用情況），而高用量用家（亦即係我囉）就可以用７小時左右，比起之前已經有好大改善，唔使再擔心啲電倒水咁用法。 升左2.3.5 之後，除左耗電問題得到改善之外，係影相方面反應亦快左好多。之前我好少用官方內置影相軟件影相，因為嫌佢反應慢，多數用 Miui Camera 影。但升級之後，我覺得用返官方影相軟件都得，唔使再用其他第三方軟件。 見到有啲討論區同 Samsung Facebook嘅留言，話升級 2.3.5 之後會成日 reset 部機，我又冇遇過依個問題，唔知係個別事件定係彩數問題。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post [...]
[iOS] Box.net 送你 50GB
十月 14th, 2011 老邪 正當大家都在討論 iCloud 的免費 5GB 儲存空間足不足夠時，原來 Box.net 正在做 50 天推廣，大派 50GB 網存空間給用戶，當然，iCloud 和 Box.net 兩者的用處大不同，不能相題並講，但能無條件地擁有 50GB 的網存量，的確是吸引的事。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] 跨平台通訊軟件「LINE」
十月 14th, 2011 sidxx Free App: Line Line 其實係另一個類似whatsapp 嘅軟件，有咗佢你就可以跨平台咁 send 短訊同埋傾電話，唔使再計住啲咩「自己人」，「心連心」通話時間。不過如果你真係有急事打比對方，我就會建議你打返對方手機號碼，因為我試左三、四次打完電之後對方要等好耐個電話至會響，大約三分鐘左右啦。 另外就係佢除內置埋 Emoji 公仔之外，仲有個叫 Stickers 嘅功能，比你貼啲好抵死嘅公仔，同朋友Chat起上嚟會有趣好多。 share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
Posted in Free App 
Tags: Android, Android Market, Free App, iMessage, iPhone, LINE, whatsapp 
3 Comments »[iOS 限時免費] 炒家必備！iPhone 開賣即時知！
十月 14th, 2011 sidxx Free App: 開賣喇！(香港版) New App: 13 Oct, 2011 iPhone 有幾好炒，相信唔使我多講，剩係睇吓報紙有幾多人排隊就知。 千人聚集 狂掃 iPhone 4蘋果店排隊黨蜂擁 每人轉手即賺$2500 iPhone 依家唔單止保值，我直情覺得佢真係同黃金有得揮，你睇吓部 iPhone 4 都今時今日個回收價仲保持到5K就知。 我覺得將來iPhone 真係可以用嚟做貨幣單位，第日你去租屋，你問個屋主間屋租幾多錢，佢可能會答你租金係1.5部 iPhone 4S。 既然 iPhone 咁好炒，大家就 Download 定依個 App，睇吓有冇機會執返一百幾千啦！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments [...]
Posted in Free App Tags: apple store, Free App, iPhone, iPhone 4, iPhone 4S, iPhone 回收價, 開賣喇！(香港版) 2 Comments »[iOS 限時免費] 篤篤發聲字典
十月 12th, 2011 sidxx Free App: Tap-Dictionary 11 Oct, 2011 - $9.99 -> Free 一路都好想搵發聲字典，因為要教個仔讀英文生字，又怕自己讀得唔夠正統，所以有咩生字我多數都叫佢自己用 iPad 查字典點讀。 但有時個個字去查又好鬼麻煩，因為一版入面有幾個字唔識就真係轉 App 都轉到你頭暈。 不過有左依個 App 就唔使煩，睇到咩字，篤一篤隻字，讀音解釋（英文）一次過出哂比你，好鬼爽！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[Android] 一個App有齊哂壹傳媒報紙同雜誌
十月 12th, 2011 sidxx Free App: AppleHK.info New App: 8 Oct, 2011 蘋果日報本身都有 App, 不過 App 只係精華版，比起桌面版少好多新聞。但用桌面版又睇得唔舒服，因為始終係手機嘛。 但今次介紹依個 App, 佢將桌面版手機化，令到讀者用 App都睇到 Full Version新聞，而且個動新聞仲唔使跳出個 App, 直接係同一版可以睇埋，真係勁方便！ 不單止咁，佢仲有埋 Face、壹週刊、忽然一週等等網上版，等你一次過睇哂所有雜誌。 唔知幾時加圭爽報呢？ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
[分享] 多用途迷你清潔機
十月 8th, 2011 sidxx 最近有朋友介紹我用依部迷你清潔機，細細部又唔阻地方，幾方便。因為有時可以帶出街借比朋友或者屋企人用。 開頭睇佢細細部，用兩粒3A電以為冇咩料到，點知用落又真係幾得，洗副眼鏡都算乾淨。 我入左兩粒3A電，再裝水之後加入幾滴洗潔精，跟手放副眼鏡入去，就開機開始洗。開機後聽到佢頻密嘅震動聲，就開始對部機加返幾分信心。等左幾分鐘，見到有啲塵同埋黑色一點點，先知原來自己日日戴緊嘅眼鏡原來咁鬼污糟！！ 之後仲叫太太拎埋啲戒指、耳環嚟洗，又係洗左好多黑色點點出嚟！ 部野賣$120，如果網友有興趣買返部玩吓可以e-mail (sidxx@yahoo.com)我架！ share: Blog this! Bookmark on Delicious Digg this post Recommend on Facebook Buzz it up share via Reddit Tweet about it Subscribe to the comments on this post Tell a friend
Posted in Free App Tags: Multifunction Convertible Mini Cleaner, 多用途迷你清潔機, 戒指, 洗眼鏡機, 眼鏡, 耳環 5 Comments »
