[iPad] Free App: Twitter

2 Sep: New App

Twitter 已經對我越來越重要，因為有時係 Twitter 上大獲得嘅資訊更快更多。

大家推友就好似一大班朋友咁，互相分享、互相交換消息。好似出 iPhone 4、iPad 咁，更加有 Live Tweet，等你知道邊度有貨，邊度賣哂，仲有咩會比 Twitter 更加方便呢？

所以一個好嘅 Twitter 軟件對我嚟講係好重要，用得爽，Tweet 至會得心應手，Tweet 得開心。如果個 App 成日有問題，你都冇哂心機啦！

今日就有一個超“屈機”嘅 Twitter App 出左，依個App 嘅介面簡單清楚，而且用盡 iPad 大畫面嘅特點、將每條 Tweet  額外嘅資訊係旁邊顯示出嚟又唔會摭住條 Timeline，最重要佢係免費嘅！（真係替其他收費嘅 Twitter App 擔心…）

有 iPad 嘅你 Download 落嚟試吓啦！包你即刻愛上依個 App 呀！ 繼續閱讀 »

Free App: Veggie Samurai

1 Sep: $.99 -> Free

開頭睇依隻 Game 簡簡單單，一隻青椒兩條蘿蔔，再加多把刀比你切吓切吓，會有幾好玩呀？

吖！Download 完，玩左第一鋪即時上癮，係咁搵手指當刀起勢係咁切啲生菜蘿蔔。

最得意係你切左第一刀個生菜分開一半之後，你再切第二刀嘅話佢真係變成四分，好攪野！

平時返工嘅你邊有幾會入廚房切野吖，Download 隻 Game 切吓野，幻想吓自己切完會煲蘿宋湯比屋企人飲啦！可能會玩得高分啲架 ^_^ 繼續閱讀 »

Free App: 2pick 旅行團格價

講起旅行團，依排大家都會提起菲律賓單慘劇，當日我都睇到喊，真係好慘…。希望佢地可以快啲回復正常生活，過返啲開心嘅日子。

講返個 App，資料都好齊，好多間旅行社嘅旅行團資料都有，好似康泰、新華、星晨、東瀛遊、永安、美麗華…等等都有齊。

而且每個旅行團都有埋幾多天團、平均價、最高價、最低價嘅資料比你，幫你格埋價，唔使失哂預算。

不過依個 App 有少少問題，就係當你 Click 詳情嘅時候，連接唔到去旅行社嘅網址，希望遲吓會有更新啦。

繼續閱讀 »

(iPad) Free App: Alarm Clock Monsters for iPad Free – Waku

30 Aug: New App

部 iPad 有咁大個芒，唔用嘅時候都唔好㗰左佢，用嚟做座檯鐘就最好，所以我不時都會留意吓啲 iPad 鐘嘅 App。

今日就比我搵到個幾得意嘅同大家分享吓。

依個 App 最得意嘅地方就係有幾隻怪獸，你手痕痕可以走去用手指篤吓佢地，佢地會同你笑吓。你走去熄左盞燈，佢地會全部瞓哂覺，好攪笑。

同埋亦都有鬧鐘功能，你 set 好時間，揀埋班怪獸嘅叫聲Alarm Sound，佢地就會叫醒你返工啦。 繼續閱讀 »

Free App: 日出日落时间

31 Aug: $3.99 -> Free

依個 App 啱哂攝影發燒友，有左依個 App，以後影日出日落唔使等餐死，晨咁早去到等，等一大輪至有得影。

依個 App 有齊哂每個地方嘅日出日落時間，咁樣就大把時間預備，早幾個字去到，飲啖水再慢慢影，唔使怕影唔到靚嘅咸蛋黃啦！

仲有，如果有情侶鐘意睇日落浪漫吓，更加要 Download 依個 App。

係一個浪漫嘅環境下，能有效促進愛侶間嘅感情架…我估。 繼續閱讀 »