大家用緊 iPhone 4 嘅時候，唔知有冇發覺 iPhone 4 影相有偏黃嘅問題呢？

我每次拎起太太部 iPhone 4 係室內影相嘅時候，影出嚟嘅相都係偏黃。初時都唔覺好大問題，但當我用另一部電話 HTC Desire 係同一個環境位置底下影相，HTC Desire 影出嚟嘅相又冇咁黃喎。

所以我開始懷疑部 iPhone 4 係有問題，但唔知升級個 OS 會唔會解決到個問題，如果都係解決唔到，就好可能係硬件問題。

如果升級 OS 解決唔到相片偏黃問題，唔排除會賣左依部再買過另外一部。

大家可以比較吓下面兩張相，iPhone 4 偏黃問題真係幾嚴重吓。 繼續閱讀 »

iPhone 4 係香港由推出到依家，足足一個月，即使係網絡商度有得出機又好，係Apple Store度買淨機又好，個炒價都仍然企得好硬淨，每部差不多賺到約 $1,300 – $1,500。

好啦！咁好賺，依家個個買 iPhone 4 都唔係拎嚟用嘅，係愛嚟炒嘅，猛咁係 Apple Store 度訂，真係整多間富士康出嚟都啤唔切啦！

今日Apple Store 已經將 iPhone 4 原先嘅 3 個星期嘅出貨時間延長到 3-5 個星期。難為左真正嘅 iPhone 4 用家，要再耐心啲等至有機用。

我即時試訂兩部 16GB 版本，出貨日期係 10 月8 號，送貨日期係 10月14號，差不多要六個星期至有貨。

如果閣下真係有心買 iPhone 4 嘅話，就早少少落單，唔係真係等到聖誕節都冇機用呀！ 繼續閱讀 »

Free App: iHKG for iPad

28 Aug: New App

iHKG 出左已經 iPhone Version 好耐，依家連 iPad 版都有埋，真係 Perfect !!

高登討論區出名多元化，惡攪又有、時事又有、係一個不可多得嘅討論區，悶悶地睇吓時間都易過啲。

大家如果想係 iPad 好爽咁睇高登，就要幫襯依個 App 啦！

<<我部 iPad 依家食緊白蘋果，所以冇Screen Shot 比大家睇…Sorry >>

iPad Version

Free App: BlueCam – Premium Edition

26 Aug: $1.99 -> Free

玩左依個 App 一陣，其實唔係好知實際用途係乜，只係知道用 iPhone 影完嘅相可以即時過落部 iPad，係咁多。

講吓個 App 嘅基本野先，首先你要有 iPhone / iPad 各一部，之後兩部裝置都裝左依個 App。咁當兩部裝置都開左個 App之後，佢會叫你用藍芽 connect 兩部裝置，connect 完之後就正式進入戲肉。

你會見到部 iPhone 會係係拍攝狀態，而部 iPad 個畫面就會同時間顯示緊部 iPhone 嘅畫面。咁當你篤一篤部 iPhone 個芒，咁就會影左張相，而張相亦會同一時間係 iPad 畫面度出現，係唔係好過癮先？

用文字我真係唔係好識講，睇圖啦！ 繼續閱讀 »

又係 iPhone 4 Case，之前介紹左隻紅色，好似唔多受歡迎，今次搵個銀色試多次，睇吓反應如何。

今次依個銀色好搶眼，而且個Case 背面真情可以當鏡用，女士實鐘意。

依個 Case 亦都係用膠邊，為左唔想個殼淨係得銀色咁沉悶，我揀左非常挑皮嘅紫色膠邊，咁樣可以襯托返使用者獨特嘅個人品味出嚟。

不過講左咁多個 iPhone Case，到今日我都仲係未有 iPhone 4，所以今次只係影得個殼咋 XD

繼續閱讀 »