按圖前往Android Market

Free App: Simplified Cangjie keyboard for Android

買左部 HTC Hero 之後，第一時間整就係個輸入法，因為輸入法對我嚟講好緊要，我成日Twitter, Facebook, SMS…等等，方便嘅文字輸入法會對我好大幫助。

咁 Android Market 有好多輸入法比大家揀，唔使好似 iPhone 咁一定要 Jailbreak (越獄)先至可以裝其他輸入法，依點我係最鐘意嘅。

我去到 Android Market 就揀左今次介紹依款，因為睇到好多留言讚話好用，咁就試一試啦，橫掂又唔使錢。

首先去 Market 度搵嚟裝左先。

裝完之後去設定>語言與鍵盤，見到新安裝嘅“速成鍵盤”

我地再去“速成鍵盤“度設定少少野先。

我自己就選擇開左學習 / 顯示關聯字，因為會打得快啲，唔使成日搵字。

設定好哂，可以開始用啦！

當係想選擇用依個軟件嘅時間，係輸入文字嘅地方長按，之後好似圖咁有“輸入方式“比你選擇”。

Click 選擇方式之後會見到有速成鍵盤。

OK ! 開始打字。依個軟件會記憶左你之前輸入過嘅事。

好似張圖咁，如果之前打過“屋企“，再打嘅時候，你打個“屋”字，就自然會有個“企“嘅聯想字，非常方便。

另一個方便之處，係打英文都唔需要轉鍵盤，照打就得。

除左唔使轉鍵盤可以打到中英文外，依個軟件仲有其他強大嘅地方。

圖中你見到“あ”、“潮” 同埋 “火” 三粒制，其實佢地都分別代表一種輸入法架。

“あ” – 就代表左日文。

“火” – 就代表輸火星文，點估到連火星文用家都照顧到。

“潮” －就係可以快速輸入潮語，連“十卜十卜”都有。