iPad 出左兩日，大大小小媒體鋪天蓋地嘅報導真係多到飛起。

由排隊買，開箱，拆解，越獄，軟件，巨細無遺咁報導。

但我對 iPad 嘅新聞一啲都冇興趣，依家 iPad 又冇行貨，你同我講 iPad 有幾勁幾好用，咪即係同個係沙漠嘅人講可樂有幾咁好飲，都係得個諗字。

不過 iPad 啲 App 真係勁好多，而且仲要好 Pro，個畫面大少少已經同 iPhone 係兩個世界。

App Store 亦都整左個細細嘅 icon 比大家分別 iPhone / iPad 嘅 App，唔使攪錯。