有用 iPhone 嘅人一定知道， iPhone 嘅電係好難維持一日，唔係因為 iPhone 舊電唔夠勁，亦都唔係因為 iPhone 大食。

而係因為有好多 User 不停咁用部 iPhone, 例如: Twitter , Facebook , 上網，聽歌，睇戲，打機，MSN…等等。

好似我咁，平時返工出門口前，部 iPhone 一定係差爆100%先出門口嘅，咁一落樓就會用 Reading 睇新聞，跟住就上 Twitter 同推友講吓早晨。

接住就上 Facebook 睇下朋友有咩 update，之後再上網睇吓有咩新 App要 Download。一路玩，玩到返公司大概得返 70%電。

之後就間唔中 Twitter 同 send SMS, 咁如無意外中午就會得返50% 電左右，再一路玩落去到3、４點就只剩返30%。一定捱唔到一日嘅。

所以為左好安心咁玩，唔使成日驚冇電，就決定買舊後備電(俗稱"尿袋")，隨身攜帶，等冇電嘅時侯就可以差。

咁收工就去荃灣嘅荃豐中心度碰吓運氣，睇吓有冇咩平靚正嘅後備電買啦。哈，居然比我搵到我心目中想買嘅產品 Sanyo KBC-L3S-SP，而且個價錢仲要係超抵，只需HK $130，係真意料之外。

由於今晚差緊電，未用得住，試用報告要聽日先有，依家睇住相先。

Sanyo KBC-L3S-SP (2500mAh) HKD 130.00 (有單為証)

背面，冇咩特別，例牌影一影咁啫。

HKD 130 蚊有 2500 mAh，真係超值。須知道有啲只有 2000 mAh 都要過 HKD 200 蚊。

咁嘅倉底貨價錢仲要有一年保養，冇野講。

成盒野就係得兩件野咁大把。

藍色燈閃吓閃吓即係差緊電。

好開心有中文說明書。