隨住越來越多廠商為iPhone 開發遊戲, 任天堂為左保住手提遊戲機皇者地位, 於11/21號推出新型號DSi LL迎戰.

還記得iPhone 初初推出嘅時候，主要對手係Smartphone。但慢慢，Apple 發現iPhone係玩遊戲有著出色嘅表現，而各大廠商亦被iPhone 依個新興平台吸引著，均紛紛加入並且推出各類型高質素嘅遊戲。比起初期由一些獨立或小形公司所開發啲遊戲，已經不能同日而語。

任天堂冇諗過一部Smartphone居然演變成為佢地嘅主要競爭對手，一心想著只有Sony 的PSP跟PSP Go。誰不知iPhone一步一步地迫近，到今年九月份，蘋果打正旗號，直接跟任天堂宣戰，聲稱旗下擁有超過五萬個遊戲，遠遠拋離任天堂三千多個遊戲。加上App Store全球銷售網絡，再減去包裝，宣傳，開發金等等⋯令到遊戲定價便宜，大約十幾至到百多元已經有交易，比起任天堂遊戲有時受到外匯，貨源等問題，玩家通常都無奈地要捱貴Game.

至於新型號DSi LL 暫時知道擁有 4.2″ 超闊螢幕, 未有其他大改良。

任天堂今次能否扭轉敗局呢？