Free App: Dice

好多時我地玩遊戲，都需要＂骰＂，比如話玩飛行棋，大富翁等等。但我地好多時為左擲自己想要嘅點數嘅時候，都會好似鬼上身咁用好多不同嘅姿勢去擲骰，而跟住粒骰好多時都會不偏不倚咁彈入梳化底，之後就要夾手夾腳搬開張梳化，再係滿佈塵埃嘅地方執返粒骰出嚟！

我諗好多人都有以上依個經驗，有咗依個App，我地就唔使再驚粒骰走入床下底或者梳化底，我地只需要好有型咁搖下部iphone就得嘞！你睇！我又搖到5條煙嘞！

個App提供左9款唔同嘅骰，而你亦可選擇1-5粒，非常體貼，最盞鬼係有震動工動，十足十搖真骰咁！

唯一美中不足係冇提供極具代表性嘅＂魚、蝦、蟹＂比玩家選擇，攪到我地新年要去7仔買！