十月 8th, 2011 
sidxx 
最近有朋友介紹我用依部迷你清潔機，細細部又唔阻地方，幾方便。因為有時可以帶出街借比朋友或者屋企人用。
開頭睇佢細細部，用兩粒3A電以為冇咩料到，點知用落又真係幾得，洗副眼鏡都算乾淨。
我入左兩粒3A電，再裝水之後加入幾滴洗潔精，跟手放副眼鏡入去，就開機開始洗。開機後聽到佢頻密嘅震動聲，就開始對部機加返幾分信心。等左幾分鐘，見到有啲塵同埋黑色一點點，先知原來自己日日戴緊嘅眼鏡原來咁鬼污糟！！
之後仲叫太太拎埋啲戒指、耳環嚟洗，又係洗左好多黑色點點出嚟！
部野賣$120，如果網友有興趣買返部玩吓可以e-mail (sidxx@yahoo.com)我架！
一月 13th, 2012 sidxx 
Free App: Super Fish
寶石消滅類嘅 Game 其實真係好適合係手機玩，一開機係咁掃吓掃吓，簡單又好玩又可以 Kill Time.
不過玩得多鑽石方塊都悶啦！轉吓玩魚仔方塊啦！
雖然依個Game 嘅玩法同一般消滅類遊戲好相似，但我介紹得就梗係會有一點點嘅唔同啦，唔係我點會有野寫呢？
冇錯！依個遊戲嘅不同之處就係佢每條魚都有不同嘅絕招，當係一次消滅四粒或以上嘅相同魚仔，就會出現傳說中嘅絕招魚，再消滅依條絕招魚就可以發出絕招消滅更多嘅魚仔方塊，好過癮架！
十二月 22nd, 2011 mac4hk 
|
|
Category: Photo & Video | Languages: English |
| Updated: Dec 16, 2011 | Developer: Wan Ka Lung | |
| Version: 1.0.2 | Support Compatible with iPhone 3GS, iPhone 4, iPhone 4S, iPod touch (3rd generation), iPod touch (4th generation) and iPad. Requires iOS 3.2 or later | |
| Size: 13.4 MB |
十二月 18th, 2011 sidxx 
唔知大家有冇睇書嘅習慣，我自從換左部GS2 之後仲睇多左書㖭！因為屋企個書櫃已經冇咩位，所以都係睇電子書多。
不過好多時啲電子書都係得簡體版，而我自己又接受唔到殘體字，所以好多時都係有書冇得睇！
不過今日無意中比我發現左個小方法，就係只要裝左一個字體檔案落部手機，就可以將啲殘體字嘅書自動轉為繁體，真係好amazing !!
唔講咁多，即刻去片！
十二月 16th, 2011 mac4hk
 破稅王 |
Category:Games | Languages: English, Chinese |
| Updated: 17 November 2011 | Developer: Dah Sing Bank, Limited | |
| Version: 1.0 | Support Device: Compatible with iPhone, iPod touch and iPad. Requires iOS 4.1 or later. | |
| Size: 19.2 MB |
總結
遊戲新鮮度欠奉,雖貌似中國版Fruit Ninja, 不過流於表面，整個app不會讓人沉迷， 1分鐘頂盡玩完.
值得一讚是音樂，配得就像日本NDS小遊戲, 可惜要變成街坊App， Kill time 遊戲本已多， 無必要多個
筆者建議下次update可以加入對Facebook 的整合支援, 若能即刻Post自己的分數/可得奬品到面書更佳
Patrick@Mac4hk
十一月 18th, 2011 sidxx 
Samsung Galaxy Note 除左個 Mon 大吸引之外，另一個賣點就係枝 S Pen觸控筆，今日就簡單試吓枝 S Pen 係幾咁方便。
第一個Video 就用S Pen擷取畫面, 再去S Memo 度再加字.
用後感: 有咗S Pen嘅Note 好明顯係擷取畫面功能上比起GS2更加方便, 可以一氣呵成咁完成整個程序, 唔需要係擷取畫面後再去Gallary度搵張圖出嚟Edit.
第二個Video 就用S Pen快速開啟記事簿寫便條.
用後感: S Pen可以係主螢幕直接叫喚記事簿功能, 再直接寫上文字或圖案, 或是打字, 很方便. 最令我滿意的是S Pen的反應很快, 並沒有一點遲緩的感覺, 令我可以好放心咁寫得好快.
第三個Video 就用S Pen 係影片上加上文字, 依個功能亦係最令我驚喜嘅一個功能!
用後感: 用Note拍完片, 再用S Pen係影片中加入文字或一啲圖案, 可以令到影畫面更加豐富更富特色(又或者更加混亂XD). 我就好簡單咁整左一條片, 前後都唔使幾分鐘, 如果屋企有小朋友就真係啱哂.
十一月 18th, 2011 sidxx 
(此乃蛤乸）
首先，我承認我係一個好貪心嘅人！
見到自己咁好彩，比人抽中左話做咩調查，之後就有禮物送，啲禮物仲要係 MacBook Air / iPhone 4 / iPad 2，比著你都狗衝即刻拿拿聲填啦！好在到最後問一問自己，有冇咁大隻蛤乸隨街跳呀？先至不致中招，唔係就真係偷雞唔到蝕把米！
件事就係咁，當我睇緊YouTube 嘅時候，無啦啦有個視窗彈左出嚟，個 Thank You 仲要同 YouTube 好鬼死似，你一個唔小心真係會以為依個活動係 YouTube 攪。
當時個腦袋充滿著 iPhone 4 / MacBook Air / iPad 2，咪即刻 Click “現在開始”澎澎哂問完拎獎品啦！佢啲問題又鬼咁易，問你一星期睇幾多條片，答完三條無厘頭問題就叫我入電話號碼，收到短訊再send 個 SMS 去 503230, 咁就得。
但當我再睇清楚條英文 SMS，佢話一個 SMS 收 $5，一個星期最少收$35，一個月最多收 $1500，嘩～～～咁收法仲得了嘅！！一個月比$1500 SMS 費用咪差不多成３個月電話費？
到左依個地步，我即刻清醒過來，決定寫返篇 Blog 提醒吓其他網友！即使部 iPhone 4 幾吸引都好，千其唔好中計！！
個 Thank You 睇落有冇啲似 YouTube ?
十一月 18th, 2011 sidxx 
10 Nov, 2011 New App: 高登神獸卡全集
有時真係一幅圖勝過千言萬語，如果仲要係一張好抵死嘅改圖，效果就更加好！
好似香港選特首單野咁，日日都有笑料爆出嚟，仲好睇過戲。
你以為 TVB 台慶先有嘅表演節目，原來祖國日日都有真人示範。
我記得有年台慶表演(當然係指無線啦，唔通你會睇亞視台慶？)，係好多藝員企係張好細嘅枱度，之後有個打筋斗好叻嘅藝員，係好遠跑跑跑之就用彈床彈上去最高，大字形咁瞓係班藝員上面做結尾。依條片我係 YouTube 搵咗好耐都搵唔到，但原來大陸有班小朋友日日都做緊依個可能入到健力士大全嘅表演，就係64人塞喺架9座位巴士度，你話係咪好慘呢？係大陸到底人命何價？
十一月 13th, 2011 sidxx
今日有家庭成員離開 iPhone 陣營，轉去 Android，因為睇中左部5.3″超大Mon 嘅 Samsung Galaxy Note(下稱GN)，咁我就順手影幾張相同埋試玩吓啦！
我將我部 GS2 放係 GN 旁邊比較下，GS2 就好似變左個小朋友咁，因為 GN 個 mon 真係好大，而且個 Mon嘅細緻度比起GS2仲要高，越睇越靚。
當然，有啲人會覺得電話使咩要咁大個Mon 呀？拎又麻煩，袋又麻煩，又唔可以單手用…等等。不過我就咁睇，電腦就好似車咁，有兩坐位、四坐位、五坐位、七坐位…，有啲七人車得兩個位都有，唔通來來去去得嗰幾款好咩？個 form factor 得唔得，睇下有冇人買咪知囉。咁總會有啲人唔介意部電話大大部睇野睇得舒服啲架嘛。
整體嚟講部 GN 行得好順，同GS2 差不多。不過個喇叭就明顯比起 GS2 大聲，不論係通話同埋睇片時都係。枝筆就未有時間試，稍後再寫。
不過用緊 GS2 嘅人真係唔使轉去 GN, 因為我覺得分別唔會好大(當然，你收到政府六千蚊又身痕嘅當然可以考慮換啦！), 不如睇多幾個月，睇吓 Samsung 會唔會減價又或者出 Galaxy Note Plus 先再考慮啦。
睇吓開箱相先，有時間再為大家測試吓部 GN.
十一月 10th, 2011 sidxx 
3 Nov, 2011 New App: Princess Punt
依個國家嘅公主唔知係唔係睇得《足球小將》多，所以腳法特別勁！居然諗到當士兵波咁踢去打怪獸，真係幾新鮮！
其實個遊戲玩法就好似 Angry Brid 咁，係遠距離用物件拋物線咁攻擊目標。不過今次啲士兵可以升級，而且仲可以用唔同嘅武器，刺激好多。
只要你用熟左每個士兵，幫佢地升級吓啲武器，全三星制霸爆機都唔難架！
十一月 6th, 2011 sidxx 
Hit 爆全球嘅 Angry Bird 遊戲，相信你一定有玩過。依個遊戲瘋魔所有年齡層，不論大人小朋友都對依個遊戲非常著迷。
你有興趣知道佢背後嘅成功之路嗎？
如果有嘅朋友就啱哂，因為 Angry Brid 開發公司 Rovio 嘅高級副總裁 Henri Holm 先生將會係 App Planet 2011 演講，分享吓佢開發遊戲嘅心得。想免費到價值 US499 嘅的免費入場証就即刻 Click 下面條 Link 啦！
延伸閱讀：Angry Birds 和你有個約會！費用全免！ (原價 USD499)
follow: RSS
